«PSJ» klubi «Liverpul»ni tark etgan Jorjino Veynaldum bilan shartnoma imzolaganini rasman e’lon qildi. Читать на Рус языке

30 yoshli niderlandiyalik yarimhimoyachi Fransiya klubi bilan 2024 yilga qadar kelishuv imzolagan.

Avvalroq, Veynaldumning «Barselona»ga o‘tishi mumkinligi haqida xabar berilgan, ko‘p o‘tmay «PSJ» futbolchiga yillik 10 million yevro maosh taklif etgani va niderlandiyalik futbolchi Kataloniya emas, Parij klubi taklifini qabul qilgani haqida xabar berilgandi.

Ma’lumot uchun, Veynaldum bungacha «Feyenoord», «PSV», «Nyukasl» klublari sharafini himoya qilib, 2016 yilda «Liverpul» safiga qo‘shilgandi. Jorjino APL joriy mavsumida 38 o‘yinda maydonga tushib, 2ta golga mualliflik qilgan.