Tuesday, 29 November 2022
← Go to the news

Manba: Ravshan Ermatov Rossiya futboli hakamlari eksperti bo‘ladi

Sobiq hakam Ravshan Ermatov yaqin orada Rossiya futbol ittifoqining (RFI) Ekspert-hakamlar qo‘mitasiga doimiy a’zo bo‘ladi. Bu haqda Rossiyaning «Sport-ekspress» nashri xabar bermoqda.

44 yoshli mutaxassis jahon chempionatlari o‘yinlarini boshqarish bo‘yicha mutlaqo rekordchi hisoblanadi — 11 ta. 2015 yilda u dunyoning eng yaxshi hakami deb topilgan edi. 2019 yilda hakamlik faoliyatini yakunladi va hozirda O‘FA birinchi vitse-prezidenti sifatida ishlamoqda.

RFI qoshidagi Ekspert-hakamlar qo‘mitasi o‘yinlardagi hakamlik bilan bog‘liq bahsli holatlar, o‘yin natijasiga ta’sir qiladigan qarorlarni ko‘rib chiquvchi, baho beruvchi organ hisoblanadi. RFI ushbu qo‘mitaga boshqa mashhur hakamlarni ham jalb qilish imkoniyatini o‘rganmoqda.