“Barselona”ning sobiq bosh murabbiyi Ronald Kuman yarim himoyachi Pedri haqida gapirdi.

“Pedrining ishi ajoyib. Esimda, “Barselona” bilan shartnoma imzolaganimda, ular men bilan u haqida gaplashishgan edi, lekin men hech narsa bilmasdim. Dastlabki ikki mashg‘ulotdan so‘ng Pedri ajoyib futbolchiga aylanishi ma’lum bo‘ldi. Ikki mashg’ulotda u haqida yetarlicha ma’lumotga ega bo’ldim.

Boshqa jamoalar uni ijaraga olmoqchi edi, lekin mavsum oldidan men: “Pedri ketmasligi kerak, chunki men u qisqa vaqt ichida asosiy tarkib futbolchisiga aylanishiga ishonaman”, dedim. Shunday bo’ldi, – deb Kumanning so’zlaridan iqtibos keltiradi Sport.es.

59 yoshli Kuman ispan klubini 2020 yilning avgustidan 2021 yilning oktyabrigacha boshqargan. Uning qo’l ostida 19 yoshli Pedri 56 ta o’yinda qatnashib, 4 ta gol urdi va 6 ta golli uzatmani amalga oshirdi.