Jahon chempionatida D guruhida 2-turning dastlabki o‘yini bo‘lib o‘tdi.

Guruh autsayderlari sifatida qaralgan Avstraliya va Tunis o‘rtasidagi bahsda Dyukning yagona goli «kengurular»ga g‘alaba keltirdi.

Avstraliya ochkolarini 3taga yetkazib, 2-o‘ringa chiqib oldi. Tunis 1 ochko bilan so‘nggi pog‘onaga tushdi.

Guruhning ikkinchi o‘yinida Fransiya (3) va Daniya (1) o‘zaro to‘qnash keladi. Bellashuv Toshkent vaqti bilan 21:00da boshlanadi.

JCH-2022. 2-tur. D guruhi
Tunis — Avstraliya 0:1
26 noyabr, «Al Janub»
Gol: Dyuk (23).
Tunis – Damen, Dreger (Sassi, 46), Merya, Bronn (Keshrida, 73), Talbi, Abdi, Sliti, Sxiri, Laiduni (Hazri, 67), Msakni, Jebali (Henissi, 73).
Avstraliya – Rayan, Karachich (Degenek, 75), Suttar, Roulz, Bexich, Muy, Irvayn, Makgri (Xrustich, 64), Lekki, Dyuk (Maklaren, 64), Gudvin.
Ogohlantirishlar: Laiduni (26), Abdi (64).