Friday, 3 February 2023
← Go to the news

Urugvay ustozi: «FIFA Portugaliya bilan bahsdagi penaltini noto‘g‘riligini tan oldi, ammo endi bahonaga hojat yo‘q»


Urugvay milliy jamoasi bosh murabbiyi Diyego Alonso JCH-2022 3-turidan o‘rin olgan Ganaga (2:0) qarshi o‘yindan so‘ng o‘z fikrlari bilan o‘rtoqlashdi.

Urugvay to‘plar nisbatiga ko‘ra guruhda qolib ketdi, jamoaga 1ta gol yetishmadi.

«Jamoa keyingi bosqichga chiqish uchun bor kuchini sarfladi. Futbol, kayfiyat, o‘yin, gollar, yaratilgan imkoniyatlar… Lekin bu — futbol. Og‘izda yomon ta’m bilan uyga qaytamiz.

Biz bera oladiganimizdan maksimal darajada foydalandik. FIFA Portugaliya bilan bahsda belgilangan penalti noto‘g‘riligi haqida xabar berdi. Bunga dalil bor. Ammo endi bahona qilishning hojati yo‘q», — deya Alonsoning so‘zlarini keltiradi Goal.