Urugvay Angliya bilan durang qayd etdi.

Valverde so’nggi 6 o’yinda 7 ta gol urdi

«Real» va Urugvay milliy jamoasi yarimhimoyachisi Federiko Valverde o’zining golli seriyasini davom ettirmoqda.

Gap shundaki, 27 yoshli xavbek Angliyaga (1:1) qarshi o’rtoqlik bahsida 90+4-daqiqada penaltini aniq amalga oshirib, Janubiy Amerika jamoasini mag’lubiyatdan saqlab qoldi.

Bu esa Valverdening so’nggi olti o’yinidagi 7-goliga aylandi. U avvalroq «Selta», «Elche» va «Atletiko»ga qarshi bahslarda ham bittadan gol urgandi. «Manchester Siti»ga qarshi Chempionlar ligasida esa faoliyatidagi ilk het-trikka erishgandi.

Ma’lumot uchun, Urugvay milliy jamoasi JCh-2026 da guruh bosqichida Saudiya Arabistoni, Kabo-Verde va Ispaniyaga qarshi o’ynaydi.