Urugvaylik forvard Chalito restoranlar tarmog’ini kengaytirdi.

Suares Madridda restoran ochdi

«Barselona» sobiq hujumchisi Luis Suares o’zining Chalito restoranlar tarmog’ini kengaytirdi. Yangi muassasa Ispaniya poytaxti Madrid shahrida ochildi.

«Biz Madrid markazida ilk restoranimizni ochdik. Ajablanarlisi, qariyb 10 yil avval hammasi Barselona Ramblasidagi birinchi Chalito bilan boshlangan edi, bugun esa xuddi ilk kundagidek hayajondamiz. Bu yo’lda bizga qo’shilgan barchaga rahmat», — deb yozdi urugvaylik futbolchi ijtimoiy tarmoqlarda.

Ayni paytda Luis Suares «Inter Mayami» safida to’p tepmoqda, uning yangilangan shartnomasi 2026 yil dekabr oyigacha mo’ljallangan.