Murabbiy bosim ostida bo‘lsa-da, klub unga ishonishda davom etmoqda.

«Nyukasl» rahbariyati Xauga ishonch bildirmoqda

«Nyukasl» bosh murabbiyi Eddi Xau klub rahbariyati tomonidan qo‘llab-quvvatlanmoqda. Bu haqda Daily Mail Sport xabar berdi.

Manbaga ko‘ra, jamoaning ushbu mavsumdagi natijalariga qaramay, klub ichida murabbiyga ishonch saqlanib qolgan. Xau «Sanderlend»ga qarshi uyidagi mag‘lubiyatdan so‘ng jiddiy bosim ostida qolgan.

Shu bilan birga, yozda «Nyukasl» tarkibida katta o‘zgarishlar bo‘lishi kutilmoqda. Klub jamoani qayta shakllantirishni rejalashtirmoqda.

Eddi Xau 2021 yildan buyon «Nyukasl»ni boshqarib kelmoqda. Hozirda jamoa Angliya Premyer-ligasi jadvalida 31-turdan so‘ng 42 ochko bilan 12-o‘rinda bormoqda.