Fransiyalik hujumchisi Yevropada ham yetakchiga aylandi.

Mbappe uzoq masofadan urilgan gollar bo‘yicha shaxsiy rekordini yangiladi

«Real» hujumchisi Kilian Mbappe La Liga 33-turi doirasida «Alaves»ga qarshi bahsda (2:1) gol urib, yangi shaxsiy rekord o‘rnatdi.

Bellashuvning 30-daqiqasida jarima maydoni tashqarisidan yo‘llangan zarba (rikoshet orqali) golga aylangan va bu Mbappe uchun joriy mavsumdagi uzoq masofadan urilgan 8-gol bo‘ldi.

Opta ma’lumotiga ko‘ra, ushbu natija nafaqat futbolchining shaxsiy rekordi, balki top-5 Yevropa ligalari orasida eng yaxshi ko‘rsatkich ham hisoblanadi.

Ma’lumot uchun, Mbappe ushbu mavsum «Real» safida barcha turnirlarda 40 ta bahsda maydonga tushib, 41 gol va 6 assist qayd etgan.