Futbolchi hozirda jamoasiz.
Vardi A Seriya debitanti bilan muzokara o’tkazmoqda

«Lester» afsonasi Jeymi Vardi faoliyatini Italiya chempionatida davom ettirishi mumkin. Bu haqda jurnalist Janluka Di Marzio xabar berdi.

Manbaga ko’ra, angliyalik 38 yoshli futbolchi «Kremoneze» bilan muzokara o’tkazmoqda. Tomonlar deyarli kelishuvga erishgan. Faqat shartnomaning ayrim bandlari bo’yicha tez kunlarda ishlar yakunlanishi kutilmoqda.

O’tgan mavsum Vardi «Lester» safida APL doirasida 35 o’yinda maydonga tushib, 9ta gol urdi va 4 assistni qayd etgan.

Avvalroq Vardi «Napoli»ga o’tishi mumkinligi haqida xabarlar tarqalgan edi.