Katta Uilyams Pikening mashhur jumlasini esladi.

«U qoladi». Inyaki Uilyams ukasi «Atletik» bilan shartnomani uzaytirgach, «Barsa»ni troll qildi
Foto: Getty Images
Inyaki Uilyams ukasi Niko Uilyams «Atletik» bilan shartnomasini uzaytirganidan so‘ng «Barselona»ni troll qildi.

22 yoshli vinger Kataloniya klubidan bo‘lgan jiddiy qiziqishlarga qaramay, bilbaoliklar bilan 2035-yilgacha mo‘ljallangan yangi bitim imzoladi.

«Atletik» hujumchisi Inyaki ukasi Niko shartnomani uzaytirganidan so‘ng videorolikda «U qoladi» deb aytdi.

Bu jumla «Barselona» sobiq himoyachisi Jerar Pike tomonidan 2017-yilda Neymar borasida ishlatilgan. O‘shanda ispan futbolchisining ishonch bilan aytgan gapiga qaramay, braziliyalik vinger yakunda «PSJ»ga o‘tib ketgandi.

Avvalroq Niko «Atletik»da qolish qarorini izohlagandi.