«Tottenhem» hujumchisi Son Hyon Min «Bavariya» safida Bundesliga chempionligini qo‘lga kiritgan Harri Keyn haqida fikr bildirdi.

«Harrining xursand ekanini ko‘rish yoqimli. U mening eng yaqin do‘stlarimdan biri va men uni xuddi oila a’zolarimdan biri g‘olib bo‘lgandek quvonch bilan tabrikladim.

Ushbu ijobiy kayfiyat bilan Keyn Yevropa Ligasi finalida «taqachilar»ni qo‘llab-quvvatlaydi deb umid qilaman», — deya Sonning so‘zlarini keltiradi Bayern & Germany nashri.

Avvalroq «Bavariya» Harrining taqdiriga oydinlik kiritgani ma’lum qilingandi.