
“Roma” “Manchester City” futbolchisini sotib olish sharti bilan ijaraga olmoqchi
Manchester klubi ham o‘z vakilini qulay taklif evaziga ijaraga berishga tayyor.
“Roma” “Manchester City” futbolchisini sotib olish sharti bilan ijaraga olmoqchi
Italiyaning “Roma” klubi Angliyaning “Manchester City” jamoasida to‘p surayotgan argentinalik hujumkor yarimhimoyachi Klaudio Echeverrini o‘z safiga qo‘shib olmoqchi. Bu haqda Sky Sports nashri xabar berdi.
Rimliklar 19 yoshli futbolchini keyingi yili sotib olish huquqi bilan ijaraga olishni istamoqda. “Manchester City” Echeverri transferi uchun Argentinaning “River Plate” klubiga 18,5 million yevro to‘lagan edi.
Shunga qaramay, Klaudio hozircha “shaharliklar” safida faqat uchta rasmiy o‘yinda maydonga tushib, bir gol urishga muvaffaq bo‘ldi. Ayni paytda Manchester klubi ham uni qulay taklif evaziga ijaraga berishga tayyor.
Avvalroq “Roma” Dovbik bilan xayrlashishi mumkinligi ma’lum qilingandi.