Futbolchi yangi jamoasi bilan ikki yillik bitim imzoladi.
Lukas Vaskes – «Bayer» futbolchisi

«Bayer» klubi Lukas Vaskesning transferini e’lon qildi.

Ispaniyalik 34 yoshli himoyachi «dorishunoslar» bilan ikki yillik shartnoma imzolagan.

Futbolchi nemis klubi safida 21-raqam ostida to’p tepadi.

Vaskes hozirgacha faoliyatini deyarli «Real»da o’tkazgan va faqat 2014/15 yilgi mavsumda «Espanyol»da harakat qilgan. Madrid klubi bilan 23ta sovrin yutgan.

Himoyachi o’tgan mavsumda La Ligada 32 ta bahsda maydonga tushib, 1 ta gol va 5 ta assistni o’z hisobiga yozdirib qo’ygan.

Avvalroq Vaskes dushanba kuni tibbiy ko’rikdan o’tganligi haqida xabarlar tarqalgan edi.