Rekord «Arsenal»ga tegishli, ikkinchi oʻrinda — Londonning yana bir klubi.
«Liverpul» APLda qatorasiga 36 oʻyinda gol urib, liga tarixidagi eng yaxshi uchinchi natijani takrorladi

«Liverpul» APLda qatorasiga 36 oʻyinda gol urdi va liga tarixidagi eng yaxshi uchinchi natijani takrorladi.

Premyer-liga 2-turida Arne Slot boshqaruvidagi jamoa safarda «Nyukasl»ni (3:2) magʻlub etdi.

Natijada amaldagi chempionning golli seriyasi 36 oʻyinga yetdi.

Rekord «Arsenal»ga tegishli – London klubi 2021 yil maydan 2022 yil dekabrgacha ketma-ket 55 ta bahsda toʻp kiritgan.

Ikkinchi natijani «Tottenhem» qayd etgan – 2023 yil martdan 2024 yil martgacha 39 oʻyin.

Uchinchi oʻrinni 36 oʻyin bilan «Liverpul»ning ikki seriyasi — hozirgisi va 2019 yil fevraldan 2020 yil martgacha qayd etgani egallagan. Shuningdek, «Manchester Yunayted» ham 2007 yil noyabrdan 2008 yil noyabrgacha qatorasiga 36 ta bahsda gol urgan.