«Man Siti» hujumchisi xuddi otasi kabi AQSHdagi mundialda ishtirok etishdan baxtiyor.

Holand JCH-2026 haqida: «Norvegiya madhiyasini kuyalayotganda yig’lab yuborsam kerak»

Norvegiya milliy jamoasi va «Manchester Siti» hujumchisi Erling Holand 2026 yildagi jahon chempionatidagi ishtiroki haqida gapirdi.

«Otam 1994 yilda AQSHda bo’lib o’tgan jahon chempionatida o’ynagan. Shuning uchun u yerga borib, jahon chempionatida ishtirok etish — men uchun o’zgacha hissiyot…

Ehtimol, davlat madhiyasini aytayotganimda yig’lab yuborarman», — dedi Holand CBS Sports efirida.

5 dekabr kuni 2026 yildagi jahon chempionati guruh bosqichiga qur’a tashlandi. Unga ko’ra, Norvegiya milliy jamoasi Fransiya, Senegal va ikkinchi yo’nalish bo’yicha qit’alararo pley-off g’olibi (Boliviya/Surinam/Iroq) bilan bir guruhdan o’rin oldi.