Eng yaxshi murabbiy sovrini uchun 10 nafar nomzod ko‘rsatildi.

Globe Soccer Awards 2025 yilning eng yaxshi murabbiyi mukofotiga nomzodlar ro‘yxatini e’lon qildi. Tashkilot bu haqda Х ijtimoiy tarmog‘ida ma’lum qildi.

Mukofot uchun Xabi Alonso («Real» Madrid), Mikel Arteta («Arsenal»), Antonio Konte («Napoli»), Luis Enrike («PSJ»), Hans-Diter Flik («Barselona»), Eddi Xou («Nyukasl»), Vensan Kompani («Bavariya»), Entso Mareska («Chelsi»), Roberto Martines (Portugaliya) va Arne Slot («Liverpul») kabi murabbiylar kurashadi.

Globe Soccer Awards — yil davomida futbol sohasida eng katta yutuqlarga erishgan shaxs va jamoalarni taqdirlaydigan yillik marosim hisoblanadi.

O‘tgan yili eng yaxshi murabbiy deb Madridning «Real» klubi ustozi Karlo Anchelotti tan olingan edi.