Shuningdek, «PSJ» vingeri 5 kishilik ramziy jamoa ham tuzdi.
Dembele o‘zi bilan birga o‘ynaganlardan eng yaxshi 5 futbolchini aytdi

Jurnalist Giyom Balage «Oltin to‘p-2025»ning asosiy da’vogarlaridan biri Usmon Dembeledan intervyu olib, u bilan qisqa savol-javoblar ham o‘tkazdi.

«Borussiya D» va «Barselona» klublarida ham to‘p tepgan, hozirda «PSJ» a’zosi sanalgan vinger o‘zi bilan birga o‘ynaganlardan eng yaxshi 5 jamoadoshini aytdi.

«Bular — Lionel Messi, Per-Emerik Obameyang, Marko Roys, Serxio Buskets va Pedri».

Shuningdek, fransiyalik 28 yoshli futbolchi 5 kishilik ramziy jamoasini ham tuzdi: «Hozir, o‘ylab olay. Darvozada… Mark-Andre Ter Stegen. Himoyada Samuël Umtiti, yarimhimoyada Buskets, oldinda Messi va Obameyang».

Avvalroq «PSJ» yarimhimoyachisi Vitinya jamoadoshini «Oltin to‘p»ga eng munosib futbolchi deb aytgandi.