O‘zbekiston milliy jamoasining ikki yetakchisi bir klubda o‘ynaydi.
Abbos Fayzullayev — «Istanbul Bashakshehir» futbolchisi (manba)

«Istanbul Bashakshehir» Abbos Fayzullayev transferi bo‘yicha SSKA bilan kelishuvga erishdi, deb xabar beradi «Sport Ekspress».

Turk klubi o‘zbekistonlik yarimhimoyachi uchun Rossiya jamoasiga 7,5 million yevro to‘laydi.

Ma’lumot uchun, 21 yoshli futbolchi Moskva klubiga 2023 yil yozida Toshkentning «Paxtakor» jamoasidan 500 ming yevro evaziga ko‘chib o‘tgandi.

O‘tgan mavsumda Fayzullayev Rossiya Premer-ligasida 27 ta bahsda maydonga tushib, 2 ta gol urdi va 4 ta assist muallifi bo‘ldi. Shuningdek, Abbos jamoasi bilan Rossiya Kubogi va Superkubogida zafar quchdi.

Eslatib o‘tamiz, bunga qadar Istanbul klubi O‘zbekiston milliy jamoasi sardori Eldor Shomurodovni ham o‘z safiga qo‘shib olgandi.