FIFA 2026-yilgi Jahon chempionati uchun bir milliondan ortiq chipta sotilganini ma’lum qildi. Turnirni dunyoning 212 mamlakati va mahalliy hududlardan bo’lgan muxlislar tomosha qilishi kutilmoqda. Bu haqda FIFA o‘zining ijtimoiy tarmoqlaridagi sahifalarida xabar berdi.

Eslatib o‘tamiz, 2026-yilgi Jahon chempionati AQSh, Kanada va Meksika mezbonligida 11-iyundan 19-iyulgacha bo‘lib o‘tadi. Musobaqada ilk bor 48 ta milliy jamoa ishtirok etadi.

Har bir guruhdan dastlabki ikki o‘rin egasi va eng yaxshi sakkizta uchinchi o‘rindagi jamoa pley-off bosqichiga yo‘l oladi. Shu bilan birga, turnirda ilk bor 1/16 final bosqichi ham joriy etiladi.