«Manchester Siti» iqtidorli argentinalik o‘yinchini sotib oldi.

18 yoshli yarimhimoyachi Klaudio Echeverri «shaharliklar» bilan 2028 yilning yoziga qadar shartnoma imzoladi.

Futbolchi «Man Siti»ga bir yildan so‘ng keladi — 2025 yilning yanvarigacha Klaudio «River Pleyt»da o‘ynashda davom etadi.

Oldinroq «Siti» Echeverri uchun 14,5 mln yevro to‘lashi, shuningdek, hujumkor yarimhimoyachining o‘yiniga qarab yana 9 mln yevro bonus bo‘lishi haqida xabar berilgandi.

Echeverri «River Pleyt» asosiy tarkibida 6ta o‘yin o‘tkazib, 1ta golli uzatmani amalga oshirgan. U Argentina U17 jamoasi uchun 22ta bahsda 13 bor to‘p kiritgan, jumladan, o‘smirlar o‘rtasidagi mundialda 5ta gol urgandi.