«Real» yarimhimoyachisi Brahim Abdulqodir Dias Marokash milliy jamoasida o‘ynashga qaror qildi, deb yozadi Fabritsio Romano va Marca.

24 yoshli futbolchining otasi — marokashlik, onasi — ispaniyalik.

Brahim Ispaniyaning U17, U19 va U21 jamoalarida o‘ynagan, ammo milliy jamoaga faqat bir marta — o‘rtoqlik bahsiga chaqirilgan.

Ispaniyadan uzoq vaqt davomida taklif kutgan Dias yakunda Marokashni tanlashga qaror qildi.