«Real» Vinisius Junior bilan yangi shartnoma imzolaganini rasman e’lon qildi.

Unga ko‘ra, Madrid klubi braziliyalik 23 yoshli futbolchi bilan shartnomani 2027 yilga qadar uzaytirgan.

Ma’lumot uchun, Vinisius 18 yoshida – 2018 yil «Real» safida debyutini o‘tkazgan edi. U o‘tgan 6 mavsumda 235 o‘yinda maydonga tushib, 63ta golga mualliflik qildi. Jamoa safida 9ta sovringa ega chiqdi – YeCHL, ikki marta klublar o‘rtasidagi JCH, Yevropa Superkubogi, La Liga chempionligi (ikki marta), Ispaniya kubogi va Ispaniya Superkubogi (ikki marta).