Italiyaning amaldagi chempioni klub bosh murabbiyi Rudi Garsiyani rasman iste’foga chiqardi.

«Napoli» so‘nggi turda o‘z maydonida «Empoli»ga mag‘lubiyatga uchragach, klub rahbariyati Garsiya bilan kelishuvni bekor qilishga qaror qilgan. U o‘tgan mavsum jamoani chempion qilgan Luchano Spaletti o‘rniga iyun oyidan buyon jamoada ishlab kelayotgandi.

Fransiyalik murabbiy o‘rniga Valter Madzarri ish boshladi. Italiyalik 62 yoshli mutaxassis 2009-2013 yillar davomida Neapol klubini boshqargan edi. Madzarri 2022 yilda «Kalyari»dan iste’foga chiqarilgach, hozirgacha ishsiz edi.

Ma’lumot uchun, «Napoli» A Seriyada 12 o‘yinda 6ta g‘alabaga erishib, 4-o‘rinda bormoqda.