«Roma» bosh murabbiyi Joze Mourino Yevropa Ligasi finalida «Sevilya»dan uchralgan mag‘lubiyatdan (1:1, pen — 1:4) so‘ng o‘z fikrlarini bildirdi.

«Yo kubok bilan yoki o‘lik holda maydonni tark etamiz, dedim. Xo‘sh, hozir o‘likmiz. Jismonan va ruhiy jihatdan o‘lgudek charchadik. Biz o‘likmiz, chunki ko‘plab bahsli epizodlar bilan adolatsiz mag‘lubiyatga uchradik.

O‘lgudek charchadik, lekin o‘zimiz bilan faxrlanamiz. Men har doim aytaman: siz o‘yinda mag‘lub bo‘lishingiz mumkin, ammo hech qachon o‘z qadr-qimmatingizni yoki professionalligingizni yo‘qotmaysiz.

Men 5ta yevrokubok finalida g‘alaba qozonganman. Bugun yutqazdim, lekin uyga g‘urur tuyg‘usi bilan qaytaman. Bu mavsumda yigitlar borlarini berishdi.

Bu libos biz uchun muhim, biz hamma narsaga jiddiy qaraymiz, kamtarlik bilan ishlaymiz va borimizni beramiz. Har birimiz mag‘lubiyatga turlicha munosabatda bo‘lamiz, kimdir yig‘laydi, kimdir yo‘q. Lekin haqiqat shundaki, hammamiz xafa bo‘lamiz. Juda charchadik va adolatsizlik hissi bilan o‘ldirildik.

Bu bosim ostidagi erkaklar futboli edi, hakam (Entoni Teylor — angliyalik) esa ispaniyalikka o‘xshadi. U doim sariq kartochka berdi. Adolatsizlik shuki, Lamela ikkinchi kartochkani olishi kerak edi, lekin chetlatilmadi va u o‘yindan keyingi seriyada penaltini golga aylantirdi», — dedi «Roma» bosh murabbiyi Sky Sport Italia efirida.