«Al Ittihod» yangi bosh murabbiy borasida bir qarorga keldi.

Jidda jamoasini Marselo Galyardo boshqaradi, deb xabar bermoqda TyC Sports.

47 yoshli mutaxassis Saudiya klubi bilan «1,5+1,5» ko‘rinishida shartnoma imzolaydi.

«Al Ittihod» safida Karim Benzema, Fabino va Ngolo Kante kabi yulduzlar o‘ynaydi. 8 noyabr kuni bosh murabbiy Nunu Eshpiritu Santu ishdan bo‘shatilgandi.

Klub Saudiya Arabistoni chempionatida 13-turdan keyin 24 ochko jamg‘arib, 5-o‘rinni egallab turibdi.

Galyardo 2014 yildan 2022 yilgacha «River Pleyt»ni boshqargan va jamoa bilan ikki bor Libertadores Kubogini qo‘lga kiritgan.