Krishtianu «Al Xalij»ga qarshi o’yinda akrobatik gol urishga muvaffaq bo’ldi.

Ronaldu bu mavsum 16-o’yindagi 16-golini urdi

«An Nasr» forvardi Krishtianu Ronaldu mavsumdagi 16-golini urdi.

40 yoshli portugaliyalik hujumchi bu mavsumda klub va milliy jamoasi safida 16 ta golga mualliflik qildi. Krishtianu Saudiya Arabistoni chempionati 9-turida «Al Xalij»ga qarshi o’yinning 90+6-daqiqasida (4:1) akrobatik gol urishga muvaffaq bo’ldi.

Ma’lumot o’rnida, Ronaldu ushbu mavsum 16 ta o’yinda qatnashdi. U Portugaliya milliy jamoasi safida 5 marta, klubida esa 11 marta gol urishga erishdi.

Avvalroq Ronaldu Tramp bilan tushgan suratlarini namoyish qilgandi.