Ollining Latviyaga qarshi o’yinni o’tkazib yuborishi aniq bo’ldi.
Uotkinsga Angliya milliy jamoasining yig’inini tark etishga ruxsat berildi

Angliya milliy jamoasi hujumchisi Olli Uotkins jahon chempionati saralash bosqichi doirasidagi Latviyaga qarshi o’yinni o’tkazib yuborishi aniq bo’ldi. Bu haqidagi qaror u Uelsga qarshi so’nggi bellashuvda olgan jarohati sabab qabul qilindi.

«Aston Villa» forvardi ushbu o’yinda jarohat olgach, tiklana olmadi va milliy jamoa yig’inini tark etishiga ruxsat berildi.

Bosh murabbiy Tomas Tuxel bu yo’qotishni tan oldi, ammo Angliya saralash musobaqasidagi yo’lini davom ettirar ekan, boshqa futbolchilar imkoniyatdan foydalanishiga umid bildirdi.

Ma’lumot o’rnida, Uotkins 2021 yil mart oyida milliy jamoada debyut qilganidan beri Angliya safida 20 ta o’yin o’tkazib, 6 ta gol urgani va 2 ta golli uzatma bergani qayd etilgan.