Futbolchi myunxenliklar safida 14-raqam ostida harakat qiladi.
“Bavariya” Dias transferini rasmiy e’lon qildi

Myunxenning “Bavariya” klubi “Liverpul” futbolchisi Luis Diasni o‘z safiga qo‘shib oldi. Bu haqda klub matbuot xizmati xabar berdi.

Bundesliganing amaldagi chempioni ushbu transfer uchun 75 million yevro sarfladi. Dias yangi jamoasi bilan 2029 yilgacha amal qiladigan shartnoma imzoladi.

Ma’lum bo‘lishicha, Luis myunxenliklar safida 14-raqam ostida harakat qiladi. Ma’lumot uchun, Dias o‘tgan mavsum barcha turnirlarda 50 ta o‘yinda maydonga tushib, 17 ta gol urdi va 8 ta golli uzatmani amalga oshirdi.

Uning Transfermarkt’dagi narxi 70 million yevroga baholanmoqda. Avvalroq “Bavariya” Garnacho uchun kurashga qo‘shilgani ma’lum qilingandi.