31 yoshli futbolchi A Seriyaga qaytdi.
“Bolonya” Bernardeski transferini e’lon qildi

“Bolonya” Federiko Bernardeski transferini rasman e’lon qildi.

31 yoshli vinger yangi jamoasi bilan 2027 yilgacha shartnoma imzoladi.

Italiyalik futbolchi “Bolonya”ga erkin agent sifatida qo‘shildi. Avvalroq u “Toronto” bilan shartnomasini o‘zaro kelishuv asosida bekor qilgandi.

Bernardeski faoliyati davomida “Yuventus”, “Fiorentina” va “Krotone” klublarida ham harakat qilgan, Italiya terma jamoasi bilan Yevro-2020da chempionlikni qo‘lga kiritgan.

Futbolchi 2022 yildan beri “Toronto”da o‘ynab kelayotgandi. U bu mavsumda MLSda 15 o‘yinda 4 ta gol urdi va yana 4 ta gollik assist berdi.

Bunga qadar “Bolonya” klubining hujumchi Chiro Immobile bilan ham kelishuvga erishgani haqida xabarlar tarqalgan edi.