22 yoshli futbolchiga APL va Bundesliga klublari qiziqish bildirmoqda.
«Manchester Siti» Maketining narxini e’lon qildi

Angliyaning «Manchester Siti» klubi Jeyms Maketi uchun 35 million funt sterling talab qilmoqda. Bu haqda The Telegraph nashri xabar berdi.

Manbaga ko’ra, ushbu narx Angliya U21 jamoasi sardoriga qiziqish bildirayotgan klublar uchun to’siq bo’lmoqda.

Shartnomasi kelasi mavsum oxirida yakuniga yetadigan hujumkor yarimhimoyachini «Nottingem Forest», «Vest Hem», «Borussiya Dortmund» va «Ayntraxt» kuzatib bormoqda.

Da’vogarlar 20 million funtdan 25 million funtgacha bo’lgan kelishuvga umid qilmoqda, biroq «shaharliklar»ni bu narx qoniqtirmayapti.

Ma’lumot uchun, Maketi o’tgan mavsum barcha turnirlarda 27 ta o’yinda maydonga tushib, 7 ta golga mualliflik qildi. Uning Transfermarkt’dagi narxi 20 million yevroga baholanmoqda.