«An Nasr»ning portugaliyalik hujumchisi Krishtianu Ronaldu ijtimoiy tarmoqlarda 1 milliard obunachiga ega bo‘lganini ma’lum qildi. U tarixda birinchi bo‘lib bunday muvaffaqiyatga erishdi.

«Biz tarix yaratdik — 1 milliard obunachi! Bu shunchaki raqam emas — bu bizning umumiy ishtiyoqimiz, o‘yin va undan tashqaridagi muhabbatimizdan dalolat beradi.

Madeyra ko‘chalaridan tortib, dunyodagi eng katta sahnalargacha men har doim oilam va siz uchun o‘ynaganman. Hozir biz 1 milliardmiz. Menga ishonganingiz, qo‘llab-quvvatlaganingiz va hayotimning bir qismi bo‘lganingiz uchun tashakkur. Eng yaxshisi hali oldinda, biz birgalikda g‘alaba qozonamiz va tarix yozamiz», — dedi Ronaldu sahifalarida.