Saudiya Arabistoni chempionatining 26-turidan o‘rin olgan bir qancha o‘yinlar yakunlandi.

«An Nasr» (62) safarda «Abha» (22, 17-o‘rin) darvozasiga javobsiz 8 ta to‘p kiritdi. Bir bo‘lim o‘ynagan Ronaldu het-trik (ikki gol jarimadan) va assistni o‘z hisobiga yozdirib qo‘ydi. 39 yoshli hujumchi qatorasiga ikkinchi bahsda 3 ta gol urdi.

Peshqadam «Al Hilol» (74) esa «Al Ahdud» (24, 15-o‘rin) darvozasini 3 bor ishg‘ol qilib, 2-o‘rindagi «An Nasr» bilan 12 ochkolik farqni saqlab qoldi.

Saudiya Pro ligasi. 26-tur. 2 aprel

Abha — An Nasr 0:8

Gollar: Ronaldu (11, 21, 42), Mane (33), As Sulayhi (44), G‘arib (51), Al Alavi (63, 86).

An Nasr – Ospina, Bushal, Laport, Al Fatil, Telles (An Nahli, 65), Otavio, As Sulayhim (Al Hasan, 58), An Naji, Mane (Al Alavi, 46), Garib (Aman, 69), Ronaldu (An Nemer, 46).

Al Hilol — Al Ahdud 3:0

Gollar: Ash Shahri (16), Malkom (66), Salim Ad Dosari (73).

Al Hilol – Bunu, Abdulhamid (Al Burayk, 69), Kulibali, Al Bulayhi, Lodi (Ash Shahroni, 69), Milinkovich-Savich, Ruben Nevesh, Salim Ad Dosari (Al Faraj, 77), Maykl Richard, Malkom (Al Qahtoni, 77), Ash Shahri (Al Hamdan, 69).