Bugun 20 yoshgacha bo’lgan futbolchilar o’rtasidagi jahon chempionatining 3-turi doirasida Ravshan Haydarov boshchiligidagi O’zbekiston terma jamoasi o’z o’yinini o’tkazadi. Unda vakillarimizga Gvatemala jamoasi raqiblik qiladi.
Uchrashuv Toshkent vaqti bilan 27 mayga o’tar kechasi 02:00 da start oladi. Bellashuv “UzReport TV” telekanali orqali jonli efirda namoyish etiladi.

Ma’lumot o’rnida, ayni paytda hamyurtlarimiz 1 ochko bilan turnir jadvalida 3-o’rinni band etib turibdi. Gvatemala hali ochko to’play olgani yo’q.

Vakillarimiz keyingi bosqichga chiqish uchun yirik hisobda g’alaba qozonishi kerak bo’ladi. Kichik hisobdagi g’alaba biz uchun qaltis, ochko yo’qotilishi esa o’ta xatarli bo’ladi.